ონლაინ ვაჭრობის წესები და პირობები
წესები და პირობები
-
მოვაჭრის დასახელება: შპს ჯისთორ ლლტ
-
საიდენტიფიკაციო კოდი: 405566463
-
იურიდიული მისამართი: თბილისი ცოტნე დადიანის N7
-
ელ-ფოსტა: contact@gstore.ge
-
ტელეფონის ნომერი: +995 555 551 559
მოვაჭრის ვალდებულებები
კანონისმიერი გარანტია
- საქონლის შეკეთება ან შეცვლა შეუძლებელია
- მოვაჭრემ საქონელი გონივრულ ვადაში არ შეაკეთა ან არ შეცვალა და მომხმარებელმა ხელშეკრულების შესრულებისადმი ინტერესი დაკარგა
- მოვაჭრის მიერ საქონლის შეკეთება ან შეცვლა მომხმარებელს მნი
საგარანტიო მომსახურება — ზეზვა (Zezva Service)
კომერციული გარანტია მოქმედებს მოწყობილობის მომხმარებლისთვის გადაცემიდან 24 თვის განმავლობაში.
აკუმულატორის გარანტია მოქმედებს 12 თვის განმავლობაში. ბუნებრივი ცვეთა და ტევადობის მოსალოდნელი კლება ავტომატურად დეფექტს არ ნიშნავს.
პირობები ვრცელდება ყველა ასეთ მოწყობილობაზე, შეძენისას შეთანხმებული მდგომარეობის გათვალისწინებით.
ვინ უზრუნველყოფს მომსახურებას?
ზეზვა (Zezva Service) არის Gstore-ის პარტნიორი საგარანტიო სერვისი და პასუხისმგებელია საგარანტიო საჭიროებების სრულ ტექნიკურ მომსახურებაზე: მოწყობილობის მიღებაზე, მდგომარეობის დაფიქსირებაზე, დიაგნოსტიკაზე, დასკვნაზე, შეკეთებაზე, დაბრუნებასა და მისთვის ჩაბარებული მოწყობილობის სათანადო დაცვაზე.
საგარანტიო მოთხოვნისთვის შეგიძლია მიმართო პირდაპირ ზეზვას ან Gstore-ს. Gstore-ში დაფიქსირებული მოთხოვნა გადაეცემა ზეზვას კოორდინაციისთვის; ეს არ ნიშნავს მოთხოვნის თავიდან წარდგენას ან ვადის ხელახლა ათვლას.
რას ფარავს გარანტია?
გარანტია ფარავს ნორმალური გამოყენებისას გამოვლენილ შიდა ტექნიკურ გაუმართაობას, რომელიც არ არის გამოწვეული მომხმარებლის, მესამე პირის ან გარე ფაქტორის ზემოქმედებით. საგარანტიო შემთხვევისას დიაგნოსტიკა, საჭირო სამუშაო და სათადარიგო ნაწილი უფასოა.
საგარანტიო მოთხოვნის განხილვისას გადამწყვეტია ხარვეზის მიზეზი და არა მხოლოდ მოწყობილობის გარეგნული მდგომარეობა ან სიმპტომი.
რა არ არის უფასო საგარანტიო მომსახურება?
დიაგნოსტიკის საფუძველზე ფასიანი შეიძლება იყოს დაცემით ან დარტყმით, სითხით ან კოროზიით, არასწორი დამტენით ან ძაბვით, არასათანადო მოვლით, არაკვალიფიციური დაშლით ან შეკეთებით, მოდიფიკაციით, შეუთავსებელი პროგრამით, ჩვეულებრივი ცვეთით ან კოსმეტიკური დაზიანებით გამოწვეული შეკეთება.
მხოლოდ დაცემის, ნაკაწრის ან სითხესთან კონტაქტის ფაქტი ავტომატურად არ ადასტურებს ან გამორიცხავს გარანტიის შემთხვევას — მიზეზს ზეზვა ტექნიკური დიაგნოსტიკით აფასებს.
მიმართვის პროცედურა და ვადები
მიმართვისას მიუთითე სახელი, საკონტაქტო ინფორმაცია, მოდელი, IMEI/სერიული ნომერი, გარანტიის ID ან შეძენის დამადასტურებელი ინფორმაცია და ხარვეზის აღწერა. შესაძლებლობის შემთხვევაში წინასწარ შექმენი მონაცემების სარეზერვო ასლი და ამოიღე SIM/მეხსიერების ბარათი.
გარანტიის შეცვლა ხორციელდება ნაკლის აღმოჩენიდან არაუგვიანეს 10 კალენდარული დღისა, სტანდარტული შეკეთება — არაუგვიანეს 30 კალენდარული დღისა. საგარანტიო ნაკლის აღმოსაფხვრელად აუცილებელი ტრანსპორტირების ხარჯი მომხმარებელს არ ეკისრება; გაგზავნის მეთოდი წინასწარ შეათანხმე.
Gstore-ის პასუხისმგებლობა
Gstore არის გამყიდველი და კომერციული გარანტიის გამცემი. საქონლის შეცვლის, ფასის შემცირების ან ნასყიდობის თანხის დაბრუნების მოთხოვნას განიხილავს Gstore, ზეზვას ტექნიკური დასკვნის გათვალისწინებით. ზეზვას მიერ მომსახურება Gstore-ს კანონით დაკისრებული პასუხისმგებლობისგან არ ათავისუფლებს.
ეს კომერციული გარანტია არ ზღუდავს კანონით დადგენილ უფლებებს. საგარანტიო მომსახურება და დისტანციური შეძენისას მიზეზის გარეშე 14-დღიანი დაბრუნება სხვადასხვა პროცედურაა.
გარანტიის შემოწმება
შეძენისას SMS-ით მიიღებ გარანტიის უნიკალურ ID-ს და ელექტრონული გარანტიის შემოწმების ბმულს. გარანტიის შემოწმება და ელექტრონული ბარათის ჩამოტვირთვა შესაძლებელია ზეზვას სერვისის გვერდზე:
მოქმედებს 01.01.2026-დან · რედაქცია 03.04.2026 · v1.1
შეკვეთის მიღება
მომხმარებელს ნივთის შეძენა შეუძლია თანხის გადარიცხვით საბანკო ანგარიშზე. ასევე, შესაძლებელია ნივთის ღირებულების კურიერთან ნაღდი ანგარიშსწორების გზით გადახდა.
მოვაჭრე, საბანკო ანგარიშზე თანხის ჩარიცხვის მომენტიდან, არაუმეტეს ორი დღის განმავლობაში,
ვალდებულია უზრუნველყოს მომხმარებლის შეკვეთის დამუშავება. ნივთის მომხმარებლისთვის მიწოდების
ვადა არ უნდა აღემატებოდეს შეკვეთის დამუშავებიდან
12 სამუშაო დღეს.
მომხმარებლისთვის ნივთის მიწოდების შეუძლებლობის შემთხვევაში შეკვეთა გაუქმდება და კლიენტს დაუბრუნდება მის მიერ გადახდილი თანხა.
შეკვეთა დასრულებულად ითვლება ნივთის მომხმარებლისთვის ჩაბარებისთანავე.
მომხმარებელი ვალდებულია, შეკვეთის მიღებისას მოახდინოს მისი შემოწმება და ხელმოწერით დაადასტურის, რომ ნივთს არ აქვს ვიზუალური ნაკლი.
მოვაჭრე ვალდებულია მოთხოვნის შემთხვევაში გადასცეს დამკვეთს შეკვეთასთან დაკავშირებული ყველა საბუთი.
მიწოდების საფასური არის სრულად ანაზღაურებადი კომპანიის მიერ
თბილისში მიწოდება
უფასო
რეგიონებში მიწოდება
უფასო
უპირობოდ დაბრუნების პოლიტიკა
მომხმარებელს უფლება აქვს, ყოველგვარი საფუძვლის მითითების გარეშე თქვას უარი დისტანციურ ხელშეკრულებაზე ან/და სავაჭრო ფართის გარეთ დადებულ ხელშეკრულებაზე 14 კალენდარული დღის განმავლობაში
ეს ვადა აითვლება ნივთის მფლობელობაში მიღებიდან.
მომსახურების ხელშეკრულების შემთხვევაში − ხელშეკრულების დადებიდან.
საქონლის ნასყიდობის ხელშეკრულების შემთხვევაში − მომხმარებლის ან მის მიერ განსაზღვრული მესამე პირის მიერ (გარდა გადამზიდავისა) საქონლის მფლობელობაში მიღებიდან
მომხმარებლის მიერ საქონლის ნაწილ-ნაწილ შეკვეთის შემთხვევაში − მომხმარებლის ან მის მიერ განსაზღვრული მესამე პირის მიერ (გარდა გადამზიდავისა) ბოლო ნივთის მფლობელობაში მიღებიდან.
საქონლის რეგულარულად (განსაზღვრული პერიოდულობით) მიწოდების ხელშეკრულების შემთხვევაში − მომხმარებლის ან მის მიერ განსაზღვრული მესამე პირის მიერ (გარდა გადამზიდავისა) ნივთის მფლობელობაში პირველად მიღებიდან
დაბრუნების პირობები
ნივთის უპირობოდ დაბრუნების მოთხოვნის სარგებლობისთვის მომხმარებელი ვალდებულია მოგვწეროს Facebook გვერდზე.
- მოვაჭრეს ან მის მიერ განსაზღვრულ მესამე პირს დაუბრუნოს საქონელი ხელშეკრულებაზე უარის თქმის შესახებ შეტყობინების გაგზავნის შემდეგ დაუყოვნებლივ, მაგრამ არაუგვიანეს 7 კალენდარული დღისა.
- გასწიოს საქონლის დაბრუნებასთან დაკავშირებული პირდაპირი (უშუალო) ხარჯი.
იმ შემთხვევაში, თუ ნივთის მახასიათებლები არ შეესაბამება საიტზე მითითებულ მონაცემებს, ნივთს გააჩნია თავდაპირველი ნაკლი ან ნივთი დაზიანებულია ტრანსპორტირების შედეგად, პროდუქციის უკან დაბრუნებას უზრუნველყოფს მოვაჭრე თავისი რესურსით.
მომხმარებელი ვალდებულია სრულად დააბრუნოს ნივთი ყველა თანდართულ დოკუმენტთან ერთად.
მოვაჭრე ვალდებულია ნივთის უკან დაბრუნების შეტყობინების მიღებიდან 14 კალენდარული დღის განმავლობაში, უკან დაუბრუნოს მომხმარებელს მის მიერ გადახდილი თანხა. მოვაჭრეს უფლება აქვს, უარი თქვას თანხის დაბრუნებაზე მანამ, სანამ საქონელს არ დაიბრუნებს ან მომხმარებლისგან არ მიიღებს საქონლის გაგზავნის დამადასტურებელ დოკუმენტს, იმის მიხედვით, რომელიც უფრო ადრე განხორციელდება.
თანხის ანაზღაურება მოხდება გადახდის იმავე საშუალებებით, რომლებიც მომხმარებელმა გამოიყენა, გარდა იმ შემთხვევისა, როდესაც მომხმარებელი გადახდის სხვა საშუალების გამოყენებაზე თანხმობას განაცხადებს.
მომხმარებლის მიერ დისტანციურ ხელშეკრულებაზე უარის თქმა ავტომატურად იწვევს დაკავშირებული ხელშეკრულებიდან მის გასვლას და პირვანდელი მდგომარეობის აღდგენას.
ხელშეკრულებაზე უარის თქმის შედეგად ქარწყლდება მხარეების მიერ დისტანციური ხელშეკრულებით ნაკისრი ვალდებულებები, ხოლო ის, რაც მხარეებმა მისი შესრულებით მიიღეს, მათ უბრუნდებათ.
ყოველგვარი საფუძვლის მითითების გარეშე
ხელშეკრულებაზე უარის თქმასთან დაკავშირებული გამონაკლისი
ხელშეკრულებით გათვალისწინებულია, რომ მიწოდებული საქონლის ან მომსახურების ფასი
დამოკიდებულია ფინანსურ ბაზარზე არსებულ ცვლილებაზე, რომელსაც მოვაჭრე ვერ აკონტროლებს.
ფორს-მაჟორი
არც ერთი მხარე არ აგებს პასუხს ნაკისრი ვალდებულების მთლიანად ან ნაწილობრივ შეუსრულებლობისთვის, თუ შეუსრულებლობა გამოწვეულია სტიქიური და ტექნოლოგიური კატასტროფებით, ხანძრით, საომარი მოქმედებით, სამთავრობო გადაწყვეტილებებით და ეს მოვლენები დაიწყო ან განვითარდა შეკვეთის შეძენის შემდეგ.
თუ ჩამოთვლილი გარემოებებიდან უშუალოდ რომელიმე მოქმედებს მხარის მიერ ნაკისრი ვალდებულებების წინამდებარე სამომხმარებლო წესებისა და პირობებით განსაზღვრული შესრულების ვადაზე, ეს ვადა გაგრძელდება დაუძლეველი ძალის გარემოების მოქმედების ხანგრძლივობის შესაბამისად.
მხარე, რომელსაც წამოეჭრა დაუძლეველი ძალის გარემოება, ვალდებულია ასეთი გარემოების, მისი შესაძლო ხანგრძლივობისა და შეწყვეტის შესახებ შეატყობინოს მეორე მხარეს.
მხარე, რომელსაც წამოეჭრა დაუძლეველი ძალის გარემოება, ვალდებულია ასეთი გარემოების, მისი შესაძლო ხანგრძლივობისა და შეწყვეტის შესახებ შეატყობინოს მეორე მხარეს.
არც ერთი მხარე არ აგებს პასუხს ნაკისრი ვალდებულების მთლიანად ან ნაწილობრივ შეუსრულებლობისთვის, თუ შეუსრულებლობა გამოწვეულია სტიქიური და ტექნოლოგიური კატასტროფებით, ხანძრით, საომარი მოქმედებით, სამთავრობო გადაწყვეტილებებით და ეს მოვლენები დაიწყო ან განვითარდა შეკვეთის შეძენის შემდეგ.